2025-06-18A
WATTER OU-TESTAMENTIESE BOEK KAN EK NOU LEES?
Hier onder is 'n bondige opsomming van elke boek.
Kyk vinnig daar deur en maak u keuse.
~~~~~~~~~~
DIE SKEPPING, VROEËRE GESKIEDENIS VAN DIE MENSDOM, ABRAHAM TOT JOSEF
GENESIS
Skepping van die heelal en die mens.
Die sondeval.
Die mensdom vanaf Adam tot Noag.
Die sondvloed.
Die Toring van Babel.
Abraham, Isak, Jakob en Josef.
Bekende Skrifgedeeltes.
3:15: Eerste belofte van verlossing.
15:6: Abraham se geloof word hom as geregtigheid toegereken.
Besigtig die eerste studiegids van die reeks oor die boek GENESIS.
DIE GESKIEDENIS VAN ISRAEL
EKSODUS
Moses se geboorte, bewaring, vlug en roeping.
Die tien plae.
Die Paasfees.
Israel se uittog uit Egipte en trek deur die Rooi See.
Ontvangs van die Tien gebooie en ander wette.
Die goue kalf.
Die tabernakel.
Besigtig die eerste studiegids van die reeks oor EKSODUS en die volgende 4 boeke.
LEVITIKUS
Wette oor offerandes.
Nog wette.
Die priesters.
Nadab en Abihu deur vuur verteer.
NUMERI
Telling van die volk.
Trek na die Beloofde Land.
Die wolk- en vuurkolom.
Verspieders uitgestuur en hul berig ontvang.
Ongeloof maak dat inbesitneming van Kanaän vir 40 jaar uitgestel word.
Murmerering en straf.
Die koperslang.
DEUTERNOMIUM
Opsomming van die trek deur die woestyn.
Oproep tot gehoorsaamheid.
Verdere voorskrifte.
Seëninge en vervloekinge (28:1-68).
JOSHUA
God kloof die Jordaan dat Israel kan deurtrek.
Wonderbaarlike val van Jerigo se mure.
Agan sondig en hy en sy familie word gestenig en verbrand.
Son staan stil vir 'n volle dag.
Inbesitneming van res van Kanaän onder leiding van Joshua.
Verdeling van die land.
RIGTERS
Ongehoorsaamheid en straf deur inval van omringende volke.
Verlossing onder leiding van 13 opeenvolgende rigters.
Besonder interessante verhale is dié van Gideon en Simson.
RUT
‘n Jong vrou uit die heidendom word 'n toonbeeld van geloof in God.
1 SAMUEL
Die profeet Samuel se verwekking en werk in Israel.
Saul die eerste koning van Israel is ongehoorsaam en verloor sy koningskap.
Dawid verslaan die reus Goliat, en word deur Saul vervolg.
2 SAMUEL
Dawid word koning en lei Israel tot heerskappy.
Hy pleeg owerspel met Batseba maar word vergewe.
Sy gesin besorg hom verdriet.
1 KONINGS
Koning Salomo volg sy vader Dawid op as koning.
Sy wysheid en glorie ken geen perke.
Hy bou die tempel.
Hy verval in afgodery.
Die Ryk verdeel in Juda en Israel.
Die profeet Elia (Sien veral 18: Elia en die Baäl profete).
2 KONINGS
Die ander konings van Israel en Juda.
Enkele konings dien God maar die meerderheid dien afgode.
Eers Israel en daarna Juda word weggevoer in ballingskap.
Elisa is Elia se opvolger as profeet en doen besondere wonderwerke.
1 KRONIEKE
Grootliks 'n herhaling van Israel se geskiedenis soos in 1 Konings maar meer bemoedigend.
2 KRONIEKE
Grootliks 'n herhaling van Israel se geskiedenis soos in 2 Konings maar meer bemoedigend.
ESRA
Terugkeer van Israel uit ballingskap.
Herbouing van die tempel.
NEHEMIA
Herbouing van mure van Jerusalem.
ESTER
Ester, 'n Israelietiese meisie word deur 'n heidense koning as vrou geneem.
Onder leiding van haar oom, waag sy haar lewe om haar volk van uitwissing te red.
DIE POËTIESE BOEKE
JOB
Job, was die mees godvresende man op aarde en ook welgesteld.
Hy word deur die duiwel geteiken en God laat dit toe.
Massas van sy vee, asook hul herders, sterf in natuurampe of word geroof.
Al tien sy volwasse kinders sterf wanneer die huis ineenstort.
Nogtans volhard hy om God te dien.
Sy vrou draai teen hom en sy vriende beskuldig hom van verborge sondes.
Hy murmureer teen God maar behou sy geloof.
Die Here spreek hom aan en hy het berou omdat hy God bevraagteken het.
Dan seën die Heer hom met dubbele mate.
PSALMS
Bestaan uit poësie en liedere.
Hierin openbaar gelowiges in woorde hul hartsomgang met God.
Dit is kinderlik, opreg, eerlik, onbevrees.
Die onderwerpe behels alles wat hul beleef en oordink.
Hulle skryf oor hul verlange na God, belydenis van eie verdorwenheid en smeking om vergifnis.
Hulle spreek ook die sondige wêreld om hulle aan en bid dat die Heer dié straf en hulself uitred.
Te midde van hierdie benouing, breek hul gedurigdeur uit in danksegging, lofprysing en aanbidding.
Soms amalgameer die Hemelse Skrywer se gedagtes met die van die aardse in profesië oor wat nog sal gebeur.
Vir elke hedendaagse gelowige is daar oraldeur voedsel vir sy siel in elke denkbare situasie te vind.
Die meerderheid is deur die Heer se geliefde "My kneg", koning Dawid geskryf.
Blaai voorlopig deur Ps.:
22: Jesus se lyde aan die kruis.
23: Die Here is my Herder.
34: Die Here, my beskermer.
51: Dawid se berou.
73: Asaf se vertwyfeling.
103: Loof die Here, o my siel.
SPREUKE
Geskryf deur Salomo, die wysste en verstandigste man ooit.
Die spreuke behels praktiese lewenswysheid, bondig en pittig weergegee.
Wysheid en dwaasheid word dikwels gekontrasteer.
Die belangrikste van alle wysheid is om God te vrees (1:7).
Daar is iets spesiaals vir elke groep: kinders jongmense, oues van dae, vroue, heersers en slawe.
Wat onderwerpe betref, lees ons van die familielewe en losbandigheid, driftigheid en selfbeheer, vlytigheid en luiheid, armoede en rykdom, ens..
Wysheid verwante woorde wat voorkom: verstand, insig, tug, beleid, oorleg, kennis, gebooie, onderwysing, skranderheid, tug en raad.
Pred 12:11 Die woorde van die wyse manne is soos prikkels; en soos spykers, diep ingeslaan, is die versamelde spreuke; hulle is deur die enige Herder gegee.
Lees die volgende spreuke as 'n voorsmaak:
3:5-8: Wees nie wys in jou eie oë nie.
3:11, 12: Goddelike tugtiging.
6:6-8: Leer by die mier.
26:14: Die luiaard op sy bed
16:32: Selfbeheer
22:6: Kinderopvoeding
PREDIKER
'n Tweede Bybelboek deur Salomo.
By sy troonbestyging het hy ongeëwenaarde wysheid van God verkry en vir ons opgeteken.
Self het hy egter nie volhard om daarvolgens te lewe nie.
Toe soek hy bevrediging op elke terrein wat sy hart begeer, maar vind dit 'n gejaag na wind.
Dit was "alles tevergeefs".
12:13 Die hoofsaak van alles wat gehoor is, is: Vrees God en hou sy gebooie;
Hy skryf hierdie boek om andere die ellende wat sy verkwiste tyd hom berokken het, te spaar.
Die boek bevat ook, net soos Spreuke, talle kosbare waarhede.
HOOGLIED
'n Derde boek deur Salomo.
'n Besonder, anderse Bybelboek.
Beeld uit die liefdesverhouding tussen God en die gelowige.
Die romantiese verhouding wat Salomo dan met 'n boerinnetjie sou gehad het, word as basis gebruik.
Sleutelvers:
8:6,: ... want liefde is sterk soos die dood, die liefdes-ywer is hard soos die doderyk, sy gloed is ‘n gloed van vuur, ‘n vlam van die HERE.
Hierdie Boek roep jou op tot 'n hoër vlak van omgang met God as wat die gemiddelde kind van God belewe.
Besigtig die tweede studiegids in 'n reeks wat oor die boek HOOGLIED handel.
DIE GROTER PROFETE
JESAJA
Oordeel oor en verlossing van Israel en die mensdom.
Lees voorlopig:
7:14: Jesus se geboorte voorspel.
38: Hiskia se siekte en herstel.
43:1,2: God: (Jesus) is met jou .
50:4-11: Die Kneg van die Here (Jesus).
53: Die lydende Verlosser (Jesus).
JEREMIA
Oordeel oor Israel en ander volkere en beloftes van herstel.
Jeremia se roeping (1:4-10).
Treffend om te sien hoe die profeet baie jare onder vervolging gely maar volhard het.
Lees voorlopig:
23:5,6: Koms van die Messias belowe.
25:11: Ballingskap v 70 jr., voorspel.
31:31: Die nuwe verbond.
KLAAGLIEDERE
Klaaglied oor Israel se verharding van hart.
Lees voorlopig:
3:22, 23: Die Here se goedertierenhede is elke more nuut.
ESEGIËL
Oordeeel oor die volk van God en oor ander volkere.
Profesië oor die herstel van God se volk.
Gog trek op teen Israel en word vernietig.
Die nuwe tempel.
Verdeling van die land.
Die Here se heerlikheid sal mettertyd alles oorskadu.
Lees voorlopig:
3:23: Visie van God se heerlikheid.
11:22-25: God verlaat die tempel.
33:1-9: Die wagter en sy boodskap.
36:26,27: Belofte van ‘n nuwe hart.
37:1-14: Droë bene kry lewe.
DANIËL
Die almag van God.
Hy regeer die heidendom deur enkele diensknegte wat Hy in sleutel posisies plaas.
Hy beheer die verre toekoms van die mensdom.
Lees voorlopig:
H1: Daniël en sy vriende kies om God te dien.
H3: Sadrag Mesag en Abednégo in die vurige oond.
H5: Koning Bélsasar en die Skrif teen die muur.
H6: Daniël in die leeukuil.
H7: Visie van die vier diere.
H7:9,10: Visie van die Wit Troon Oordeel (Eindoordeel).
H7:13,14: Visie van die Seun van die Mens.
H9:27 ev.: Profesie oor die 70 weke.
DIE KLEINER PROFETE
HOSÉA
Israel se ontrou teenoor God se trou word beskryf.
Hoséa deur God opdrag gegee om met 'n prostituut te trou (1:2).
Haar ontrou teenoor hom dien dan as sinnebeeld van Israel se ontrou teenoor God.
Sy lankmoedigheid met haar, is 'n toonbeeld van God se verdraagsaamheid betreffende Israel.
Lees voorlopig:
2:22: Onverdiende genade.
JOËL
Die dag van die Here.
Lees voorlopig:
1:13-15; 3:12-15: Maak gereed vir die Dag van de Here.
2:12,13: Bekering met die hele hart.
2:28: Profesie van uitstorting van die Heilige Gees.
AMOS
Straf oor Israel.
Die profeet: 'n alledaagse skaapboer en kweker van wildevyebome.
Lees voorlopig:
3:3 Afspraak om met God te wandel.
4:12 Maak jou klaar om God te ontmoet.
5:18 Die dag van die Here.
7:16,17: Gevolge vir dié wat die woorde van God se gesant verwerp.
OBADJA
Oordeel oor die Edomiete (nageslag van Esau).
Lees voorlopig:
1:15 Soos jy gedoen het, sal aan jou gedoen word.
JONA
Jona, die onwillige sendeling.
Sy uitreik na Nineve en God se universele genade oor alle mense.
'n Oproep tot elkeen wat versuim om ag te gee op Jesus se Groot Opdrag, Matt 28:19.
Lees voorlopig:
1-4 ('n Kort boek; lees dit verkieslik vinnig deur.)
4:2 God is genadig en skenk aan almal die geleentheid tot bekering.
MIGA
Oordeel oor Israel en beloftes van die Messias.
Lees voorlopig:
3:5: Valse profete word veroordeel.
4:1-3 ev.: Die komende, aardse ryk van Christus.
6:6-8: God verwag van jou om reg te doen; veral om in ootmoed en liefde te wandel.
NAHUM
Die val van Ninevé.
Ninevé was deur Jona gewaarsku en het hul tot God bekeer.
Hul berou was kortstondig en nou volg hul oordeel.
Lees voorlopig:
1:2 ‘n Wreker is die Here.
2:8 Nineve is soos ‘n dam wat skielik leegloop.
HABAKUK
Vertrou God se bestuur van ‘n goddelose wêreld.
Lees voorlopig:
1:13: Waarom straf God die sondaar nie onmiddellik nie?
2:4 Die regverdige sal uit die geloof lewe.
2:14: Die aarde sal vervul word met die Heer se heerlikhied.
3:16-19: Al is my hand leeg, sal ek God nogtans vertrou.
SEFANJA
Die oordeel van God oor Juda en die nasies aangekondig.
Lees voorlopig:
1:2,3: Die eindoordeel oor die wêreld?
2:3: Soek die Here alle ootmoediges.
HAGGAI
Oproep tot herbouing van die tempel.
Sewentig jaar nadat Israel in ballingskap gegaan het, het verstryk.
Serubbábel het met 'n groot groep teruggekeer.
Hul eertste prioriteit was om die tempel te herbou.
Weerstand deur die plaaslike bevolking het die werk tot stilstand gebring.
Deur die berisping en bemoediging van die profeet Jesaja hervat hulle die werk.
Lees voorlopig:
1:2-4 Julle bou julle huise, maar laat God se huis vervalle lê.
SAGARIA
God se verlossing van sy volk Israel en van die mensdom in die eindtyd.
Lees voorlopig:
4:6 Nie deur krag of geweld nie, maar deur my Gees sê die Here.
9:9 Jesus se intog op ‘n esel voorspel.
11:12,13 Voorspelling van Jesus se verraad vir 30 silwerstukke.
14:4 Voorspelling van Jesus se wederkoms op die Olyfberg.
MALEAGI
Bestraffing van koue, hartelose diens aan God.
Lees voorlopig:
1:6,7: God onteer deur verontreinigde offergawes.
3:1; 4:5: Koms van Johannes die Doper voorspel.
3:10: Gee aan God alles wat hom toekom en geniet dan sy volle seën.
4:1: Die Dag van die Here kom.
///////////